УКУ ЕЛЫ БЕР АЙГА КИМИ!

Казан студентлары тулай торак бүлмәләрен 2018 елның май аенда ук бушатачаклар. Шуңа да ссуз һәм вузда белем гранитын кимерүчеләрнең уку елы бер айга иртәрәк тәмамланачак.

Сессияне алданрак тапшыргач, студентлар тулай торакларын бушатырга тиеш була. Бу әлеге биналарга полиция хезмәткәрләрен урнаштыру өчен кирәк.

– Уку программаларының сроклары үзгәртелә. Сезгә зыян салмас өчен май ахырында тулай торак бүлмәләре бушатылачак. Бөтенесе дә килешенгән. Әгәр дә студент булсам, мин, җәй иртәрәк башлана, дип шатланыр идем, – ди Россия мәгариф һәм фән министры Ольга Васильева.

Киләсе уку елы сентябрьдә башлана. Бу яңалык бары тик футбол буенча дөнья чемпионаты уеннары узачак шәһәрләргә генә кагыла. Алар арасында Казан да бар. Чемпионат 14 июнь – 15 июль аралыгында узачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: