ТАТАРСТАН ПРЕЗИДЕНТЫ МУЗЫКАНТ БУЛЫРГА ҖЫЕНГАН?

Кем генә заманча мәктәптә укырга хыялланмый икән? Дәресләрдән соң барып шөгыльләнә торган мәктәп булса да, яңа мәктәп яңа инде ул! Исләренә кадәр рәхәт! (Буяу исен яратсаң, бигрәк тә) Хәзер Казанның музыкаль 5нче музыкаль мәктәбе укучылары да горурлана ала! Җитмәсә, алар белән танышырга Татарстан Президенты шәхсән үзе килгән!



5нче музыкаль мәктәпкә былтыр капиталь ремонт ясалган, һәм ул бөтенләй үзгәргән. Хәзер ул шәһәрнең иң профессиональ музыкаль мәктәп булып тора. Биредә Казанның башка бер генә музыкаль мәктәбендә булмаган бердәнбер орган сыйныфы да бар!



Белем бирү учреждениесе интерьерында да, коймада да, керү ишегендә дә музыкаль тема – бөтен җирдә ноталар! Хәзерге вакытта биредә 512 бала музыка серенә төшенә. Монда җырларга да, фортепиано, орган, барабанда да уйнарга өйрәнеп була икән хәтта!

Татарстан Президенты Рөстәм Миңнеханов орган сыйныфында булып өлгерде. Хәзер монда 15 укучы органда уйнарга өйрәнә. Кунаклар шулай ук музыкаль әдәбият, хореография дәресен дә карады. Эскурсия ахырында Рөстәм Миңнеханов һәм Казан мэры Илсур Метшин диварда ясалган нота станогында автографларын калдырды.


Белешмә:

5нче музыкаль мәктәпкә 1945 елда нигез салына.2014 елдан башлап, әлеге мәктәп – Яшьләр симфоник оркестры репетицияләре өчен мәйданчык. 2009 елда бу мәктәп базасында рок мәктәбе ачылган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    686
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    321
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    309
    0
    0

Блоглар