СӘЛКЕШ КӨНДӘЛЕГЕ: СӘЛАМ, БИЛӘР!

21 июнь, 2018


Сәлам, Биләр!


Иртәм 5:30да башланды. Нишләп шулай иртә тордың, дип сорасагыз, чемоданымны җыясы бар иде...

Бүген без аланыбыз белән Биләргә юл тотабыз. Анда безне 5 мавыктыргыч көн көтә!

Туклыклы иртәнге аштан соң, без әкрен генә юлга кузгалдык. Җырлый-җырлый, көлә-көлә Изге Биләр җиренә дә килеп җиттек!

Сәлам, беренче форум! Күптәннән көтелгән "сары җәй" нәкъ менә синнән башлана!



Көләч йөзе белән кояш елмая, шаян җил чәчләр белән уйный... Изге җир безне нәкъ менә шулай итеп каршылады!

Палаткаларга урнашып беткәч, тәмле төшке аш ашаганнан соң, без презентацияне кабатларга киттек. Бүген бик җитди көн – аланнарыбызны тәкъдим итәбез.

Тәмле кичке аштан соң безне кичке чарага дәштеләр. Рәхәтләнеп, тавышларыбызны жәлләмичә, сөрәннәр кычкырдык, сменаның беренче көненнән үк әзерләгән презентацияләребезне күрсәттек. Һәрбер алан креатив һәм үзәнчелекле булуларын күрсәтте. Кичке чарадан соң бер генә нәтиҗә ясап була: Сәләт – ул сәләтле балаларның галәме!



Кичке чарадан соң, сәлкешләр өчен шәп дискәтүк үткәрелде! Вәт кыздырдык Биләрдә! Рәхәтләнеп биедек тә, көлдек тә, яңа дуслар да таптык!

Менә инде беренче көн дә тәмам. Ышанып калам: иң кызыгы алда!

Сау бул, көндәлегем! Тыныч йокы, Биләр! Иртәгә күрешербез!?♥️
Айназ Сөләйманова


#СӘЛКЕШКӨНДӘЛЕГЕ























Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    692
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    544
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    344
    0
    0

Блоглар