СӘЛКЕШ КӨНДӘЛЕГЕ: «СӘЛӘТ»ТӘ БЕРЕНЧЕ КӨН

VII Халыкара яшьләр уку-укыту "Cәләт" форумының 5нче сменасы 26нчы июльдә башланды. Ул лидерлык сыйфатларын, проект һәм команда эше күнекмәләрен үстерүгә багышланган. Әлеге форумда катнашу бәхете миңа  да елмайды.

Менә без Биләр каласына китү өчен спорт сараена җыелдык. Форумда катнашучылар шактый күп. Кемдер дусты, сыйныфташы белән килгәнгә рәхәтләнеп сөйләшәләр, ә кайберәүләр яңа танышлары белән әңгәмә кора. Тик монда беркем дә күңелсезләнеп утырмый. Әйдаманнарыбыз, теркәлү узганнан соң ук, безне төрле кызыклы уеннарда катнашырга чакырдылар. Уйный-көлә шулай тиз генә танышып та киттек.

Күңелле булганга, Биләргә кадәр булган озын юлны да бик тиз уздык.

Менә без «Сәләт-Биләр каласы»нда.  Иң беренче алган тәэсирләрем: «Сәләт» башка лагерьлардан миллилеге белән аерылып тора.  Биредә бер-береңне хөрмәт итү, дустанә мөнәсәбәтләр ачык сизелә. Туган телебездә җырлар яңгыравы, күпчелек сәлкешләрнең саф татар телендә  сөйләшүе милли рух өсти. Бәлки шуңадыр, аланнарда ял итүчеләр бердәм һәм тату.

«Сәләт»тәге беренче көн  тиз һәм күңелле узып китте. Миңа монда  бик ошады!

Әлфинур ӘХМӘТШИНА

#СӘЛКЕШКӨНДӘЛЕГЕ

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1533
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    515
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    474
    0
    0

Блоглар