ПЕСИНЕҢ ХЕЗМӘТ ХАКЫ - АЕНА 20 МЕҢ!

Синең песиең узган айда ничә сум хезмәт хакы алды? Ничек инде бер тиен дә алмады? Бик беләсең килсә, Рәсәй песиләренә аена 20 мең түли торган эш тәкъдим итәләр! 

Шушы көннәрдә Түбән Новгородтагы бер төзелеш компаниясе үзләренә эшкә алырга песи эзләве турында хәбәр бирде, песигә 20 мең сум хезмәт хакы түләргә вәгъдә итәләр.

Гадәти булмаган хезмәткәр яңа комплекста беренче йортны тапшыру хөрмәтеннән кирәк дип табыла. “Яңа йортка иң беренче песи керергә тиеш. Хуҗаларның барсының да песиләре юк, шуңа да без бу эшне җиренә җиткереп башкару өчен хезмәткәр эзлибез”, - дип аңлата үзләренең бу белдерүләрен эш тәкъдим итүчеләр.

“Койрыклы хезмәткәрнең” бурычлары түбәндәгедән гыйбарәт булачак: йортка беренче булып керү һәм анда яшәү өчен аны энергетик яктан әзерләп кую. Эшкә алыначак песигә кирәк сыйфатлар булып чыдамлылык, кешеләр белән яхшы мөгамәләдә булу тора. Эш тәҗрибәсе булу мөһим түгел.

Әлеге белдерүне урнаштырып, ике көн дә үтми, Россиянең төрле почмакларыннан “эшкә” алынырга әзер булган песиләрнең резюмелары килә башлый. Бүгенге көндә бу постка 100 дән артык песи фотосы беркетелгән. Берәү хәта үзенең этен тәкъдим итә, “эш акча китерә” дип тә язып куйган.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    739
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    663
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар