ҖОМГА 13-Е: БЕРНИДӘН КУРЫКМЫЙБЫЗ!

13-енә туры килүче җомга иң куркыныч көннәрдән санала. Чөнки ул үзендә күп кенә чишелмәс проблемаларны туплый икән. 13-е, җомга — кара көчләр һәм пычраклыклар чәчәк аткан көн.

Бу көн сезнең өчен коточкыч вакыйгалар белән үрелмәсенгә, астрология һәм эзотерика тәкъдим иткән ярдәмнәрдән файдаланыгыз.

Ни белән куркыныч соң бу көн?


Галимнәр моны берничә төрле аңлата. Беренчесе, рухи яктан авыр. Изге язмаларда бу турыда искә алынмаса да, һәр дин дә 13-енә туры килүче җомгага куркып карый. Баксаң, бу курку мәҗүсилек чорыннан ук килә икән. Кешеләр элек-электән бу көнне явызлык көчләре чәчәк ата дип ышанган. Сихерчеләр бу көнне үзләренең һөнәри бәйрәме дип саный, чөнки төрле бозымнар катырак йога икән.

13-е, җомга — энергетикасы көчсезләнгән кешеләр өчен куркыныч. Хәлсезлек, арганлык — бу көнгә хас күренеш.

БУ КӨННЕ НИШЛӘРГӘ ЯРАМЫЙ?


- Багарга. Аеруча да көзге ярдәмендә. Гомумән, 13-е көнне көзгеләрне кулланмаска тырышыгыз. Озак карамагыз, ябып куйсагыз да була. Ялгыш ике көзгене бер-берсенә каратып куйсагыз, шайтанны күрү ихтималы бар. Аннан кеше бик каты курка, шок хәленнән арыну авыр булачак. Калган багу төрләре бик куркыныч булмаса да, дөрес нәтиҗә бирмәсләр.

- Курыккан вакытта сул як җилкә аша карарга ярамый. Бу сынамыш та шайтан күрүгә кайтып кала. Уң якта фәрештәләр утырса, сул якта, киресенчә, пәриләр башлык итә. Бу көнне алар сезне куркытырга җай эзли, коткысына бирелеп сул җилкә аша карамагыз.

- Азартлы уеннар уйнамагыз. Бу көнне бар булган мал-мөлкәтегезне югалту куркынычы бар.

- Талашырга, каргарга, рәнҗергә ярамый. Үзегезгә үк кайтачак. Гомумән, яман уйларыгызны куыгыз.

- Гадәткә кергән юлыгызны алмаштырыгыз. Эшкә, укырга барганда ияләшкән сукмактан кайтмагыз, башка юлны сайлагыз. Бу ысул белән әби-бабаларыбыз да файдаланган. Ул сезне эзләп килүче кара көчләрне адаштыру өчен уңайлы.

- Көнләшмәгез, үчләшмәгез. Бу көнне кемгәдер чокыр казыйсыз икән, шунда ук 2-не казып куйсагыз да була. Үзегезне да аяп узмаячак.

- Мөһим эшләрне башламый торыгыз. Алар уңыш белән тәмамланмас. Ике куян койрыгы артыннан да кумагыз.

13-енә туры килүче җомга иң куркыныч көннәрдән саналса да, өметегезне югалтырга кирәкми. Үзегез булып калыгыз, гадәти саклык кагыйдәләренә таяныгыз. Елмаегыз!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2500
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1978
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    629
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019