"ҺӨНӘР" ФЕСТИВАЛЕНДӘ ФИЛЛӘР ӨЛӘШӘЛӘР?!

Бэби-спектакльләр, хәрби шәһәрчектәге спектакльләр, яңа мәйданчыклар... Быелгы IX “Һөнәр” Бөтенроссия яшь татар режиссурасы фестивале шулар белән шаккаттырырга җыена. Анда 4 шәһәрдән 15 спектакль тәкъдим ителәчәк.

9-14 декабрь аралыгында узачак чарада быел яшь режиссерларны укыту максатыннан педагогларны да чакыралар. Күп кенә очракта яшь режиссерларның эшләре ишетелми-күрелми кала. Әлеге фестиваль моның өчен махсус мәйданчык. Гадәттә, фестивальдә бер тапкыр катнашкан режиссерлар ел саен катнашмый.

– «Һөнәр» – яңа стартаплар өчен мәйданчык. Фестивальнең үзенчәлеге шунда: бездә чикләр юк. Бары тик 35 яшькә кадәр булган режиссерларның спектакльләре яки ул яшьне узган булса да, режиссерның дебют эшеннән соң 5 ел дәвамында куйган спектакльләре катнаша ала. Безгә иң мөһиме – театраль перифериядә нәрсә барганлыгын күрсәтү, – ди Г. Камал театрының әдәби бүлеге җитәкчесе Нияз Игъламов.

Быелгы фестиваль спектакльләре арасында татар, рус, башкорт телләрендәгеләре бар. Алар Казанның 6 мәйданчыгында тәкъдим ителә. Шунысы да бар: фестивальдәге спектакльләрдән соң ачык фикер алышу бара. Теге яки бу спектакль турында һәркем үз фикерен әйтергә мөмкин.

Әлбәттә, татар режиссерлары, театрлары арасында бу фестивальдә катнашырга теләмәгән, эшләрен ничек бар – шулай дәвам итәргә теләгән режиссерлар да бар икән. Шуңа Камал театры бу юнәлешне кирәкле һәм файдалы дип тапкан режиссерлар һәм театрлар белән эшли.

Шунысы да бар: фестивальдә катнашучыларга премияләр дә, урыннар да бирелми.

– Иң мөһиме бер-берең белән аралашу, башка яшь режиссерларга үз эшеңне күрсәтү. Фестивальдә катнашкан режиссерларны аерым билгеләп үтеп, акчалата премия бирсәк, филләр «таратсак», бәлки бу фестивальнең киләчәге дә булмас иде, – ди Г. Камал театры директоры Илфир Якупов.

Ә фестиваль спектакльләренә билет бәяләре дә тешләми торган: һәркем ала алырлык сумма билгеләнгән.


Белешмә:

“Һөнәр” фестивале беренче тапкыр 2009 елда Г. Камал театры инициативасы белән оештырыла. Беренче фестивальдә 6 яшь режиссер, нигездә Фәрит Бикчәнтәев укучылары катнаша. Хәзер биредә ел саен спектакльләрен 15 яшь режиссер тәкъдим итә.

Алинә МИННЕВӘЛИЕВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2500
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1978
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    629
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019