АКТАНЫШТА - ГАРМУНЧЫЛАР ФЕСТИВАЛЕ!

25 май көнне Татарстанның Яшьләр Хөкүмәте әгъзалары ТР премьер-министры урынбасары Ләйлә Фазлыева белән очрашты. Очрашу барышында яшьләр Ләйлә Ринатовнаны иң яхшы проектларының берничәсе белән таныштырып үтте. 

Мисал өчен хөкүмәтнең мәдәни сораулар буенча киңәшчесе Ринат Исламов быел 27-29 июль көннәрендә Актанышта “Актаныш гармуннары” фестивале оештырырга йөри икән.

[caption id="attachment_26881" align="aligncenter" width="1280"] Ринат Исламов[/caption]

Әлеге проектның идеясенә нәрсә сәбәпче булды дигән сорауга ул болай җавап бирде:

- Әтием гармунчы иде. 2012 елда вафат булды. Шул елны аның истәлегенә 30 гына булса да гармунчы җыеп, берәр концерт уздыру теләге туган иде. Әлеге хыялым, ниһаять, быел тормышка ашарга тора. Фестивальдә барлыгы 500 баянчы катнашачак, ә гомумән, тамашачылар саны 8 мең тирәсе булыр дип көтәбез.

[caption id="attachment_26883" align="alignright" width="300"] Марсель Гафаров[/caption]

Ә Марсель Гафаров исә “Европротокол” IT-проектын тәкъдим итте. Проектның идеясе юл-транспорт һәлакәтләре протоколын махсус мобиль кушымта аша теркәүдән гыйбарәт. Марсель әйтүенчә, әлеге кушымта вакытны экономияләргә ярдәм итәчәк. Шулай ук КАСКО, ОСАГО полисларын да өйдән чыкмый гына ясатырга мөмкин булачак.

Ләйлә Фазлыева барлык проектларны тыңлап, теләк-тәкъдимнәрен җиткерде. Кайсы проектны нинди чара, вакыйгада тормышка ашырып булуы турында үз фикерен әйтте.
ТР Яшьләр Хөкүмәте турында фактлар: 
- Татарстанда Яшьләр Хөкүмәте 2016 елның 26 декабрендә оеша; 
- шушы ике ел эчендә алар 30 проектны тормышка ашырган; 
- әлеге проектларда барлыгы 300 меңнән артык кеше катнашкан; 
- Яшьләр Хөкүмәте барлыгы 15 млн сумлык грантлар откан; 
- 23 кешенең 19ы министрлыклар һәм башка сәяси оешмаларга эшкә урнашкан; 
- бүгенге көндә биредә барлыгы 26 киңәшче хезмәт куя. 



Зилә Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    971
    0
    7
  • 12 октябрь 2020 - 13:35
    РЕЗЕДА ХАБИБУЛЛИНА ШИГЫРЬЛӘРЕ Сагындырды, әнием, кайтам әле, Очрашулар ешрак, күп булсын. Күңелебездә туган рәхмәт хисе Сезгә хөрмәт аша чагылсын.
    523
    0
    4
  • 10 октябрь 2020 - 12:07
    «ДУСТЫМНЫ ӘТИ-ӘНИСЕ КЫЙНЫЙ» «Якын дустымны әти-әнисе кыйный. Алар начар гаилә түгел, эчмиләр, тартмыйлар, уңган, тырыш кешеләр. Ник алай эшләүләрен һич аңламыйм. Берәр эшне алар теләгәнчә башкармаса да, сеңлесе еласа да кыйныйлар икән. Кул күтәреп, кешене тәрбияләп булмый бит... Дустыма ничек ярдәм итим?»
    399
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019