КИИКИНГ - НӘРСӘ БУ?

Әйдә, яңа сүз өйрәнәбез! Киикинг! Нәрсә бу, дисеңме? Мәкаләне укыгач, белерсең .

Юк, бу деликатес атамасы да, космостан килгән җан иясе исеме дә түгел. Киикинг – спорт төре, тик ул гади түгел, хәтта сәер спорт төре дип тә әйтеп булыр иде. Эстониядә нигез салына аңа. Эстон телендә “kiikumine” “атыну” дип тәрҗемә ителсә, kiiking - агач атынгычта 360 градус ясап әйләнеп атыну дигән сүз. Икенче төрле әйткәндә, киикинг – атынгычта атынырга яратучылар өчен менә дигән спорт төре.

Киикингның тамырлары 18 гасырга барып тоташа. Ярминкә, бәйрәмнәр вакытында шәһәр үзәгенә атынгычлар куела торган була, теләгән һәркем аларда атына алган.

Ә спорт төре буларак узган гасырның 90 елларында Эстониядә Адо Коск исемле атлет тарафынан уйлап чыгарыла. 1996 елда Эстониядә киикинг өчен атынгычлар ясала. Ул-бу булмасын өчен барлык катнашучылар махсус билбаулар белән бәйләнә.

Оста киикингчылар атынгычта 6 м тирәсенә кадәр менә. Ә бу спорт төре буенча иң яхшы күрсәткечкә ирешеп, Гиннесның рекордлар китабына Каспар Таймсоо кергән. 7 м 8 см биеклеккә күтәрелә ул.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    727
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    557
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    381
    0
    0

Блоглар