ХУШ МӘКТӘБЕМ - #ДАВАЙДОСВИДАНИЯ! /КОНКУРС/

Бездә кабат бәйге, дустым! Май да бетеп килә! Димәк, мәктәпкә карап: “Давай, до свидания!..” – дип кул болгарга була.

Кызганыч (әллә бәхеткәме) тормышның кануны шундый – меңәрләгән мәктәп укучысы өчен кыңгырау ел саен соңгы тапкыр яңгырый. Ә андый вакытта хис-кичерешләр дә, килешәсездер, төрлечә була. Күзләр дә яшьләнергә мөмкин, шатлыктан күкнең җиденче катына җитеп сикерүчеләр дә юк түгел.

Озын сүзнең кыскасы, “Ялкын” сезнең мәктәп белән хушлашу мизгелләрен күрергә тели. Кыңгырау соңгы тапкыр яңгырадымы, әллә 3 айдан тагын мәктәпкә киләсегез бармы – аерма юк. Иң мөһиме: мәктәп белән бүгенге хушлашу мизгелен фотога төшер, иң матурын сайлап ал һәм синең фото #ДавайДосвидания бәйгесендә урын алачак. Ә бу инде фотолар бәйгесендә җиңүче булу мөмкинлегең бар, дигән сүз.

Бәйгегә фотолар кабул итү 15 июньгә кадәр дәвам итә, ә аның лаеклы җиңүчесе сайтыбызда тавыш бирү аша билгеләнәчәк. Фотолар көтәбез, дустым! Ә хәзергә – #ДавайДосвидания! – бәйгегә җибәрәсе фотоларыңны барлый тор! ;)




“ЯЛКЫН”ның #ДавайДосвидания КОНКУРСында катнашу өчен мәктәп белән хушлашу мизгелләрен тасвирлаган фотоларыңны 15 июньгә кадәр безнең Вконтакте төркемендәге махсус альбомга сал! /#ДавайДосвидания КОНКУРСы альбомы/


Җиңүче иң күп лайк җыючыларның фотоларын сайтта урнаштырып, тавыш бирү юлы белән билгеләнәчәк! Һәм @mr.kinder.surprise ясаган зуууур Киндер Сюрприз /”Как маленький Киндер, только большой”/ белән бүләкләнәчәк.



Онытма – “Ялкын” шук, шаян, чая һәм активларны ярата!   

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    682
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    541
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    335
    0
    0

Блоглар