"ХАЙП", "ЛОЛ", "КЕК" - БУ НИ БУ?

Бөтендөнья Интернет челтәре - үз геройлары, мөнәсәбәтләре һәм теле булган аерым дөнья ул. Социаль челтәрләрнең сленглы терминологиясе көннән-көн үсә, артыннан өлгереп булмый хәтта. Мисал өчен, "хайп"ның нәрсә икәнен кем белә? "Кек" дигәне нәрсә? Пранкер ни ул? Әйдәгез, бергәләшеп аңлашыйк.

Хайп (ингл. - hype) сүзе хипстерлар арасында популяр. Русча әйтсәк "шумиха", безнеңчә "шау-шу" була инде. Хайп - гаджет, кушымта, шәхес тирәли купкан шау-шу ул. Күп вакыт объект тирәли булган әлеге хәрәкәт үз-үзен акламый да, чөнки ялган мәгълүматка нигезләнгән яңалыклар шактый.

Кек - ул көлү. Гадәттә, явыз итеп, чеметеп, усалланып көлү. Уңайсыз хәлгә калган кешене дә кек дип атарга мөмкиннәр.

LOL (шулай ук lol яки лол; ингл. laughing out loud - тавышланып, кычкырып көлү; яки laugh out loud / lots of laughs - эч катканчы көлү) - инглиз телле контингенттан кергән сүз, интернет-мем. Күп итеп, озак итеп, рәхәтләнеп көлүне язма вариантта аңлату өчен кулланыла.

Флекс - мактану дигән сүз. Яңа алган туныңны яки машинаңны, ирең белән әйбәт мөнәсәбәтләрне, чит илдә елына 4 тапкыр ял итүеңне бөтен кеше игътибарына социаль челтәргә кую - "флексить итү" дигәнне аңлата.

Пранкер (ингл. prank) - мәзәк, кызыклы уйдырма, яратып көлү, алдау. Пранкер шалтыратып теге яки бу темага корбанын алдый, шуның белән кызыклы җавап реакциясе тудыра. Корбанга ничектер, белмим, ә менә читтән күзәтүчеләргә бу бик кызык.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2493
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1974
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    618
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019