“БЕЗНЕҢ БЕЛӘН УТЫР”: МӘКТӘПТӘГЕ ЯЛГЫЗЛЫК

Мәктәптә ашханәдә ялгыз гына ашарга туры килгән булса, аңлыйсың инде – бу бер дә рәхәт түгел. Шундый хәл көн саен, көн саен кабатланып торса, бигрәк тә авыр.

16 яшьлек Натали Хамптон шундый хәлне үз башыннан кичергән. Америкада яшәүче бу кызга бер ел буе ашханәдә ялгыз ашарга туры килгән. Үзенә генә күңелсез булуы өстенә, ялгыз булуы аркасында башкалар аңа көлеп караган.

Натали ашханә ялгызлыгыннан һәм котыртулардан котылу юлларын эзли башлый. Нәтиҗәдә, “Безнең белән утыр” (‘Sit With Us’) кушымтасын уйлап таба.

Кушымта мәктәп укучыларына ашханәдә бер өстәл артына утыру өчен дуслар табарга булыша.  Моның өчен бары башкаларны үз өстәлеңә чакырырга кирәк. Барысы да телефон аша һәм онлайн эшләнгәнгә бу турыда башкалар белми. Монда ничек эләгүләре “өстәлдәш”ләрнең үзләренә генә билгеле. Яныңда иптәшләр булгач, төртмәле сүзләр, котыртулардан да котыласың. Бу кешеләр синең чып-чын дусларыңа да әйләнә ала бит.

Натали хәзер башка мәктәпкә йөри. Дуслары да күбәйгән. Ләкин узган ел кичергәннәре һаман тынгылык бирми аңа. Шуңа ул һаман да котыртучыларның авызын ябу юлларын эзли. Югары сыйныф укучыларын, бигрәк тә популяр укучыларны котыртучыларга дучар булучыларны якларга чакырып та мөрәҗәгать иткән.

“Безнең белән утыр” (‘Sit With Us’) кушымтасы сентябрьдә генә эшли башласа да, аны кулланучылар шактый, дип яза The Huffington Post.

Кушымта эшләү – бүген һәркемнең кулыннан килә торган эш бит. Иң мөһиме – яхшы идеяң булсын. Бәлки, син дә шулай итеп үзеңнең һзм якын кешеләрнең тормышын рәхәтрәк итә алырсың?

Үзлегеңнән кушымта ясарга өйрәнү өчен бушлай видеокурс уза аласың: https://geekbrains.ru/courses/75

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 21 март 2021 - 10:13
    «МИН – ТЕЛЕФОН КОЛЫ...» «Мин телефонга бәйле. Бу турыда моңа кадәр үк әти-әнием, дусларым әйтә иде инде. Аларны тыңламый, ишетми идем. Хәзер моны үзем дә аңлый башладым. Чыннан да кереп китәм дә, чыга алмыйм. Көнем дә, төнем дә шул телефонда уза. Бу бәйлелектән ничек тә булса арынып буламы?»
    783
    0
    0
  • 3 апрель 2021 - 16:45
    ЭРЕМЧЕКЛЕ-БАНАНЛЫ ДЕСЕРТ Хәзер бергәләп эремчекле-бананлы десерт әзерлибез. Ул иртәнге ашка да, кичке ашка да шәп кенә булачак.
    453
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    392
    0
    0

Блоглар