БАЛАЛАР ШАТЛЫГЫ — БАРЫННАН ДА МӨҺИМРӘК!

Республика балалар клиник хастаханәсе "Татмедиа" җәмгыяте белән берлектә балаларга шатлык өләште. Ничек дисезме? Төрлечә.


1. Иң беренче эш итеп "Татмедиа" җәмгыятенең генераль директоры Андрей Кузьмин хастаханә администрациясенә бүләкләү таныклыгы тапшырды. Аның хисабына балаларга яңа уенчыклар алырга мөмкин булачак!

— Балаларга бәйрәм атмосферасы тудыра, аларга бәйрәм рәхәтен тоярга ярдәм итү — бик мөһим эш. Биредәге балаларның авыр халәтен исәпкә алсак бигрәк тә. Менә без дә үз өлешебезне кертә алдык. Якынлашып килүче Яңа ел белән, дуслар!









2. Аннары концерт программасы башланды. "Маленькие принцессы Татарстана" оешмасыннан кечкенә, ләкин бик актив, гүзәл кызлар да килгән иде. Алар яшьтәшләренә үз осталыкларын, сәләтләрен күрсәттеләр. "Татмедиа" журналлары хезмәткәрләре белән уеннар да уйнадык. Мәсәлән, "Салават күпере" журналы коллективы курчак театры күрсәтте, ә без — "Ялкын"лылар — татар халкының Сабантуй милли бәйрәме уеннарын уйнаттык.









 

3. Республика балалар клиник хастаханәсенең баш табибы белән берлектә төрле газета-журналларга язылдык. Әлеге хәйрия язылуыннан хастаханәнең ветераннары, хезмәткәрләре, биредә дәваланучы балалар һәм аларның әти-әниләре куллана алачак.

— "Татмедиа" бирегә киләсе билгеле булгач ук, бөтен дус-туганнарымны язылырга өндәп йөрдем. Минемчә, мәгърифәт нурын таратучы матбугат чараларын укып, танышып бару — алдынгы фикерле һәр кешенең бурычы. Республикабызның бар яңалыгын түкми-чәчми җиткереп торганыгыз өчен рәхмәт сезгә! Ә бүгенге бәйрәм өчен аерым рәхмәт! - дип җиткерде баш табиб Рафаэль Шәвәлиев.

 





Язылганнан соң бер төркем журналистлар, килгән кунаклар өчен хастаханә бүлекләре буенча эккурсия үткәреп йөрде. Күңелле һәм мәгълүматле булды! Рәхмәт!



Илүзә ГАЙНЕТДИНОВА
Ринат НӘҖМЕТДИНОВ фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 21 сентябрь 2020 - 13:02
    ҮКЕНЕЧ ...«Тагын бабай саташып ята инде!» – дип уйлап куйды Камил, ыңгырашкан тавыш ишеткәч. Компьютерда барган атышлы уенын туктатып торырга мәҗбүр булган малай, өстәл артыннан кузгалмыйча гына, бабасы яткан почмакка таба борылды. «Нәрсә булды инде тагын?! Ник җүләр шикелле акырасың!» – диде ул, ачулы күзләрен кечерәеп калган, бөгәрләнеп яткан картка төбәп.
    1526
    0
    10
  • 26 сентябрь 2020 - 14:01
    «ДУСТЫМ МӘХӘББӘТ АҢЛАТТЫ» «2 яшькә кечерәк дус егет көтмәгәндә мәхәббәт аңлатты. Без аның белән төрле темаларга рәхәтләнеп сөйләшә алабыз. Бергә күңелле, ләкин мин аны егетем буларак күрмим. Дуслыкны да бозасы килми. Нишләп карарга икән?»
    928
    0
    0
  • 13 октябрь 2020 - 10:20
    ЯНГАН ГОМЕР Уналты чакрым ераклыктагы авылдан үзен соратып килгән Ибраһимга Мөслимә, яше җитеп узып китсә дә, ата-анасының басымы аркасында тормышка чыгарга ризалык бирде. Сайланып торыр урында, егерме биш яшеңдә соратып килүче булган өчен рәхмәт әйт әле! Апаларыннан узып тормышка чыгарга базмыйча, ике сеңлең каңгыраеп утырганын онытма! Хатын аертса ни, тормышта булмый торган хәл түгел! Димәк, хатыны иренә ярап тора белмәгән!
    748
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019