АМЕРИКА КЕШЕСЕ ТАТАРСТАН АВЫЛЫНДА ЙОРТ САТЫП АЛГАН

Ярты гомерен Американың Техас штатында уздырган Джон Кама Тамагы районы Кече Мәрәтхуҗа авылында ташландык йорт сатып алган, дип хәбәр итә “Идел таңнары” газетасы. Максаты – йортны тулысынча яңарту.


Джон чыгышы белән Хьюстон шәһәреннән, аңа 66 яшь. 2016 елның сентябрендә ул Россия буйлап сәяхәт итәргә карар кыла һәм 2017 елның җәендә Казанга килә. Биредә ул Рәшит исемле ир-ат белән таныша. Нәтиҗәдә, алар дуслашып китәләр. Рәшит Америка кунагын үз шәһәр яны бакчасына, ягъни Кече Мәрәтхуҗа авылына кунакка чакыра.


Авыл Джонга шундук ошый. Аның шәһәрдән ерак булуы, Идел елгасы янында утыруы чит ил кунагын таң калдыра. Ул урамнар буйлап йөреп, күңеленә хуш килгән йорт эзләргә керешә. Нәтиҗәдә, таба һәм сатып та ала!


Әйе, бу йорт әлегә ташландык. Тик Джон сүзләренчә, ул аны өр-яңадан төзәячәк.


— Йорт киңрәк, озынрак булачак. Икенче катын да ясарга уйлыйм. Шул ук вакытта аның үзенчәлеген саклап калырга, тик заманча дизайнерлык элементлары белән баетырга планлаштырам, - дип сөйләгән ул журналистларга.


«Ник йортны нәкъ менә биредә салырга карар кылдыгыз? Нигә Америкада түгел?» – дигән сорауга Джон Америкада җир, йорт сатып алуның бик кыйммәт булуын әйткән. «Мин бит хәзер яшь түгел инде», – дип ассызыклаган ул.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    740
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    665
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар