АПРЕЛЬ 2019

17 апрель 2019
Йә, ничек, дустым, «Ялкын»ның апрель санын күрдегезме әле? Күрмәгән булсагыз, менә сезгә кечкенә генә спойлер. Бу санда сезне нәрсә көтә? 1нче спойлер: Тышлыкта – «Татарстан Республикасының Ел укытучысы» исеменә лаек булган шәхес – Наил Галимҗан улы Мирсәетов. Наил абый үзен укучылар өчен дус, ди. Ник шулай? Укытучы, дөрестән дә, дус була аламы? Бу хакта 4-5нче битләрдән кереп укып кара әле. 2нче спойлер: Габдулла Тукайның инстаграмда үз аккаунты бар, Тукай блогер булган! Так! Тукта! Безне ялганда гаепләргә ашыкма! Без сине һич кенә дә алдамыйбыз. Ышанмасаң, 6-7нче битләргә күз сал. Тукай заманында Инстаграм булса, ничек булыр иде икән дип хыялланып алдык бераз. Бары шул гына. 3нче спойлер: Татарстан Республикасының Мәгариф һәм фән министры Рафис Тимерхан ул Борһанов балачактан ук «Волга»га утырып йөри торган җитәкче булырга хыялланган. Бер хыялы чынга ашкан: Рафис абый – министр. Ә менә «Волга»сы бармы икән? 8-11нче битләр. Кереп кара. 4нче спойлер: ТР Дәүләт Советы Рәисе Фәрит Хәйрулла улы Мөхәммәтшин белән очрашуда булган «Ялкын»лылар журналист булалар. Анысы ничекме? Ну-у-у-у... Беренчедән, «Ялкын»га Фәрит Хәйруллович турында мәкалә әзерлиләр һәм басылалар. Икенчедән... Ярар, икенчедән, өченчедән ни икәнен 16-19нчы битләрдән укы. 5нче спойлер: Апрель санында Татарстанның туристик урыннары турында би-и-и-ик кызыклы мәкалә бар. 20-21нче битләр. Йә-йә, аңладым, спойлерлар саны артып китте. Ярар, калганын сөйләмим!.. Тукта, бер генә нәрсә әйтәм дә туктыйм: апрель санында «Ялкын»лы балалардан килгән 12 язма басылды. Махсус «Укытучыга ярдәмлек» рубрикасы дөнья күрде. Гадәттәгечә, спорт, медицина, фән, иҗат турындагы язмаларны да сыйдырдык «Ялкын» битләренә. Укы гына!.. Тагын бер нәрсә әйтелми калган икән. Бонус бар! БОНУС: 23-26нчы битләрдә «Ялкын»ның 95 яшьлеге фотолары бар. Синең дустың, Чаткы Ялкынлы Журналны почтада/киоскларда сатып ал яки ЯЗЫЛ! ? Игътибар!? Журналга теләсә кайсы айдан язылырга мөмкин! ? ЯЗЫЛУ ЮЛЛАРЫ: 1. Почта бүлекчәсенә барып; 2. Өйдән чыкмыйча гына: Татарстанның дәүләт хезмәтләре порталы аша. https://uslugi.tatarstan.ru/russian_post/subscribe/au.. 3. Почта России сайтында: https://podpiska.pochta.ru/press/П2334 ⚡ Бәясе: 65 сум бер айга, яртыеллыкка 390 сум. ⚡ Безнең индекс: П2334 ⚡ Безнең почта: yalkin@bk.ru ⚡ Безнең төркем: vk.com/yalkyn
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1377
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1181
    1
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    768
    0
    10

Блоглар