"СМАРТ-СӘГАТЬ ЗАМАНАСЫ"

Apple компаниясе яңа смарт-сәгать тәкъдим итә.

Әлеге сәгатьләр өч вариантта чыктылар:  Apple Watch (гадәти модель), Apple Watch Sport (спорт белән шөгыльләнү өчен яраклаштырылган җиңел корпуслы сәгатьләр) һәм Apple Watch Edition (18 каратлы алтын "элпә" белән капланган премиум-версия ). Коллекциядән тыш, сәгатьләр дисплей размеры буенча да аерылып тора (1,5 яки 1,65 дюймлы). Смарт-сәгатьләрнең алты төрле каешы да бар, аларын кәефкә карап алмаштырырга була.

Гаджет сапфир пыяла белән тышланган һәм төрле электроникага ия (йөрәк тибеше, адым саны датчигыннан башлап, вибромотор һәм NFC-чипка кадәр). Җитештерүчеләр белдерүенчә, смарт-сәгатьләрнең бәясе  349 доллардан башлана.