СУ КӨНЕ: ДАЙВЕР КОСТЮМЫ КИЕП КАРА

Эчә торган суың нинди - сыйфатлымы, сыйфатсызмы?

22 март Бөтендөнья су көне буларак билгеләп үтелә. 18-19 март көннәрендә Татарстанның табигый тарих музеенда бу истәлекле датаны уздырачаклар. Казанлылар дайвер костюмын киеп карый алачак, суның экспресс-анализын да белеп булачак.

18 март көнне музейга килүчеләр көн саен эчә торган суларын тикшерәчәкләр. Шулай ук фильтр буларак куллана торган чүлмәкләр, суны катыру, чистарту турында гидрогеолог-белгеч сөйләячәк. Җитмәсә, суның төп параматерларын белү өчен, махсус җайланма белән тикшереп тә күрсәтәчәк.

19 март көнне 14.00 – 15.00 аралыгында Казан дайверлары белән очрашу узачак. Бу вакытта дайвер костюмнарын киеп карау мөмкинлеге дә тудырылачак.