13 февраль 2026 яңалыклары

13 нче февраль көнне Казанның «Адымнар – белем һәм татулыкка юл» күп телле мәктәбендә «СалаваTik» проектының 5 еллык юбилеена багышланган чара узды. Балалар катнашындагы җыр-биюгә бай булган тамаша берәүне дә битараф калдырмады.

Бөтенроссия экологик грамоталылык дәрәҗәсен бәяләүгә багышланган «Яшел зачёт» конкурсының онлайн этабы тәмамланды. Быел ул илнең төрле төбәкләреннән 72 меңнән артык мәктәп укучысы һәм студентны берләштерде. Бер ай дәвамында катнашучылар дистанцион форматта тест һәм иҗади биремнәр үтәде.