20 ноябрь 2019 яңалыклары

“Ни өчен?” сәхифәсе бүген очкычларга (самолет) багышлана. Ни өчен самолеттагы “кара тартма” кара түгел? Ни өчен бизнес-класс самолетның очында урнаша? Ни өчен очкычта ашалган ризыкның тәме үзгә була?

Казанның вертолет заводы “Казан Арена” стадионында урнашкан “КидСпейс” балалар шәһәрчегенә барып керде. Тиздән биредә вертолет заводына багышланган мәйданчык пәйда булачак. Анда “Актай” тәҗрибәле вертолетының макеты урнаштырылган.

Игелекле иде буран! Ул, бу икәүнең әле яшьләрен, әле елаудан калтыранган иңнәрен, әле бозлана башлаган итәкләрен себереп, туктаусыз чана тирәли әйләнде. Карчыкларның авызыннан чыккан һәр сүзнең сер икәнен белеп, башка беркем ишетмәслек итеп, кайсын-кая куды, таратты, йотты, гаип итте.

Инвестицияләр турында түрәләр сөйләргә яратса да, баксаң, зур-зур оешмалар гына түгел, һәркем инвестор була ала икән! Моның өчен беркайда да теркәлергә кирәкми. Хәтта яшүсмер дә үзенең капиталын арттыра ала.