ЯШЬ РАЦИОНАЛИЗАТОРЛАР - КЕМНӘР АЛАР?

Яшел Үзәндә 16-21 март көннәрендә IX Яшь рационализитор һәм уйлап табучылар белем бирү форумы уза. Анда Татарстан предприятие һәм оешмаларында эшләүче 50 яшь рационализатор һәм уйлап табучы катнаша.

Яшь егет һәм кызлар республиканың төрле оешмаларыннан килгән. Алар арасында Әлмәт торба заводы, «Азнакаевскнефть», Серго исемендәге завод, Горький исемендәге Яшел Үзән заводы, «Татнефть»нең Инженер үзөге һәм башкалар бар.

Чарага Бөгелмә шәһәреннән килгән Дмитрий Айтуганов Инженер-производство үзәгендә эшли. Соңгы елларда бу оешмада эшләүче яшьләр эретеп ябыштыручыларның эшләрен җиңеләйткәннәр. Шулай ук торбалар өчен тутыкмый торган материаллардан яңа бөкеләр уйлап тапканнар. Бу эшләр белән барысы да техника бүлек шөгыльләнә икән.

Чарада яшьләр арасында рационализаторлык, хәрәкәтен үстерү буенча мастер-класслар, түгәрәк өстәлләр уздыру планлаштырыла.

Ләйсән Шакирова, «Газпром Трансгаз Казань» оешмасы программисты, Яшь рационализаторлар һөм уйлап табучылар конкурсы җиңүчесе:

– Безнең җитәкчелегебез ярдәмендә уйлап чыгарылган әйбереребезгә патент ала алдык. Минем уйлап табылган проектым сәнәгать тармагы белән бәйле. Шул ук вакытта мин, рационализатор буларак, кайбер программаларны камилләштердем. Ул финанс чыгымнарын, шулай ук эш вакытын янга калдырды.

Алмаз Нуриев, «Җәлилнефть» инженер, Яшь рационализаторлар һәм уйлап табучылар конкурсы җиңүчесе:

– Форумга инде дүртенче тапкыр киләм. Мин – рационализатор. Оешмабызда безнең тарафтан камилләштерелгән әйберләр күп. Аларның күбесе предприятиедәге энергетик чыгымнарны киметергә мөмкинлек бирә.

Алинә Минневәлиева