YUMMY MUSIC BAND ИЛҺАМ ШАКИРОВ ҖЫРЛАРЫННАН ТОРГАН КОНЦЕРТКА ЧАКЫРА

Yummy Music Band төркеме 17 февральдә Габдулла Тукай исемендәге татар дәүләт филармониясендә Илһам Шакиров иҗатына багышланган концерт оештыра.

Кичәдә бөек шәхеснең төрле елларда яңгыраган җырлары Илгиз Шәйхразиев белән Эльвира Мифтахова тарафыннан заманча стильдә башкарылачак. Тамашачылар Илһам абыйның моңа кадәр берникадәр популяр булмаган җырлары белән дә танышырга мөмкин. Концертта төрле музыка уен кораллары яңгыраячак.