ЯШЬ ТАТАРСТАНЛЫЛАРНЫ «КАНАТЛЫ ФӘРЕШТӘ» КОНКУРСЫ ЧАКЫРА

Яшь татарстанлыларны Әниләр көне уңаеннан уздырылучы «Канатлы фәрештә» рәсем конкурсында катнашырга чакыралар.

27 ноябрьдә, Әниләр көне уңаеннан, Россия төбәкләре «Канатлы фәрештә» Бөтенроссия акциясенә кушылачак – бөтен Россия буенча балалар храмнарда, иҗат студияләрендә һәм сәнгать мәктәпләрендә үзләренең сакчысын - фәрештәне ничек күзаллауларын рәсемгә төшерәчәкләр. Акция юкка гына Әниләр көнендә уздырылмый. Билгеле булганча, фәрештәләр – игелек, мәхәббәт, яклау һәм коткару чагылышы, нәкъ әниләр кебек үк.

Акциянең төп максаты – җәмгыятьнең игътибарын ана һәм балачак мәсьәләләренә җәлеп итү, күп балалы гаиләләрнең иҗтимагый статусын күтәрү, балаларда игелек һәм дөньяга карата кыйммәти ориентация формалаштыру.

Шулай ук, әлеге акция кысаларында 1 октябрьгә кадәр «Канатлы фәрештә» Бөтенроссия рәсем конкурсы үткәрелә, анда теләгән һәр бала катнашып, кыйммәтле бүләкләр ота ала.