ЯЛ АТНАСЫ 30 АПРЕЛЬГА КАДӘР ОЗАЙТЫЛДЫ

Бүген Россия Президенты Владимир Путин коронавирус таралуга юл куймау максатыннан тагын бер кат халыкка мөрәҗәгать итте. Төп яңалык – ял атнасы 30 апрельгә кадәр озайтыла.

Владимир Путин коронавирус белән бәйле вәзгыятьнең төрле төбәкләрдә төрлечә булуын искәртте. Шуңа күрә бу өлкәдә регионнарга билгеле бер вәкаләтләр бирелә. Алар бу карарга искәрмәләр кертеп, махсус карарлар кабул итә, мәсәлән, ял көннәре вакытын кыскарта алачак.