«УРАМ»ДА УЗАЧАК ВЕЛОСИПЕДЛЫ МОТОКРОСС БУЕНЧА БУШЛАЙ ДӘРЕСКӘ КУШЫЛ!

20 октябрь көнне 18:30 сәгатьтә Казанның «УРАМ» экстрим-паркында бушлай BMX – велосипедлы мотокросс буенча дәрескә килергә мөмкин булачак. Бирегә килүчеләрне әйләнергә һәм төп хәрәкәтләрне ясарга өйрәтәчәкләр. Остаханәгә теләгән һәркем килә ала. Дусларың белән син дә кушыл!

Әлеге дәресне парк инструкторы Павел Елсуков үткәрәчәк. Бу көнне кирәкле инвентарьны прокатта бушлай алырга мөмкин. Катнашу өчен бөтен кешегә дә сылтама буенча теркәлү узарга кирәк дип хәбәр ителә Казан мэриясе сайтында.