«ТАТАРСТАН СУПЕРМОДЕЛЕ» БӘЙГЕСЕНДӘ ЧАЛЛЫ КЫЗЫ ҖИҢДЕ

Яр Чаллыда яшәүче 18 яшьлек Эльмира Бикяшева «Татарстан супермоделе» исеменә лаек булды. Кыз үзенең җиңүенә алдан ук ышанган булган. Эльмира республиканы федераль дәрәҗәдәге бәйгедә тәкъдим итә алачак.

Бәйгенең финалы «Энергетик» мәдәният сараенда узды. Финалда Татарстанның төрле шәһәрләреннән барлыгы 20 кыз катнашты. «Татарстанның беренче супермоделе» Казан кызы Алена Руденская, ә «Татарстанның икенче супермоделе» Чаллы кызы Аделия Ибраһимова булды.  Ә җиңүче Эльмира Бикяшевага килгәндә, ул 14 яшеннән моделинг белән шөгыльләнә. Шулай ук Эльмира «Краса Татарстана – 2022» республика бәйгесендә дә җиңәргә тели, Татарстанны Бөтенроссия бәйгесендә тәкъдим итәргә җыена.