СОЮЗМУЛЬТПАРКТА – «КОЯШЛЫ КӨН»

21 мартта ел саен Бөтендөнья Даун синдромлы кешеләр көне билгеләп үтелә. Шул уңайдан бүген Союзмультпаркта «Кояшлы көн» булып узды. 

Союзмультпарк мөмкинлекләре чикле балаларга онытылмаслык экскурсия һәм маҗаралар әзерләгән иде. Кунаклар паркның 12 кызыклы интерактив аттракционында булып, яраткан мультфильм геройлары белән танышты, анимация һәм заманча технологияләр дөньясына чумды. Мавыктыргыч экскурсиядән соң һәр баланы «Анимация мәктәбе»ндә үз мультфильмын булдыру буенча остаханә көтте. Чара ахырында кечкенә кунаклар үзләренең фикерләре белән уртаклашты: балалар бу могҗизалы урыннан бик канәгать калды.