«Самый шулай» - Элвин Грей турында китап чыккан

Бу турыда «Интертат.ру» сайты яза. Әлеге китапны Байлар Сабасында яшәүче Рәхимә Вәлиуллина бастырып чыгарган.

«Самый шулай» китабы татар һәм башкорт телләрендә. Ул Радикның тормыш юлын яктырта.

«Бу китап күбрәк яшьләр өчен кызыклы булыр дип уйлыйм... Радик тормышның аскы баскычыннан үз тырышлыгы белән генә күтәрелгән егет. Тормышта югалып калмаган, авырлыклар аша үз максатына ирешә алган. Аның максатка ирешү юлы бик күп укучыларга үрнәк, хәтта ярдәмлек булыр дип уйлыйм. Тормышың авыр булса да, тырышсаң, ялкау булмасаң үрләр яулап була икән бит», -дип сөйләгән Рәхимә ханым «Интертат.ру»га.