«PROИНТЕРЕС»: ТАТАРСТАНДА ЦИФРЛЫ ФОРМАТТА ҺӨНӘРИ ЮНӘЛЕШ БИРҮЧЕ ФЕСТИВАЛЬ УЗАЧАК

Фестиваль 1 марттан 15 апрельгә кадәр Round кушымтасы мәйданчыгында узачак. Анда 10-21 яшьтәге катнашучылар чакырыла. Татарстан Республикасы Хөкүмәте һәм яңа кадрлар җәлеп итү белән кызыксынучы 14 эре компания фестивальне үткәрүне хуплый.

Инде күптәннән кадрлар җитмәү күзәтелә. Бу проблема мәктәп укучыларыннан башлана – аларның 70% ы киләчәк тормышларында нәрсә белән шөгыльләнергә теләүләрен белми. Фестиваль исә яшүсмерләргә үзләренең көчле якларын табарга һәм максатларын формалаштырырга ярдәм итәчәк. Аның кысаларында март аенда онлайн-остаханәләр һәм интеллектуаль уеннар узачак. Фестивальнең төп өлеше онлайн форматта үткәреләчәк, анда компьютер яки смартфоннан катнашырга мөмкин. Кагыйдәләр гади: челлендж сайлап, проект чыгарасы. Шуннан соң кулланучылар автомат рәвештә уйнатуда катнашачак.

Фестиваль вакытында иҗади, технологик һәм табигый-фәнни бәйгеләр дә узачак. Җиңүчеләрне компанияләр экспертлары билгеләячәк. Шулай ук уку йортлары өчен махсус номинация дә бар: иң күп санлы катнашучылы мәктәпкә медиаконтент ясау өчен җиһазлар комплекты тапшырылачак.

Фестиваль белән танышу һәм катнашу – сайтта.