ПЕРМЬДӘ ТАТАРЧА ДЕСАНТ

Пермь төбәгендәге "Чәк-чәк" татар яшьләре региональ оешмасы Россия Федерациясе төбәкләрендә этномәдәни проектларны гамәлгә ашыруда катнаша торган иҗтимагый оешмаларга ярдәм итү өчен Татарстан Республикасы Хөкүмәте гранты конкурсында җиңүче булып тора.
"Этнодесант" проекты татар милләте вәкилләре арасында милли үзаңны арттыру максатыннан тормышка ашырыла. Проект кысаларында татар авыллары активистлары өчен социаль проектлаштыру, күн мозаикасы, социаль челтәрләрне алып бару, алар өчен контент төшерү һәм монтажлау, шулай ук креатив фикерләү буенча остаханәләр һәм лекцияләр оештырыла. 5 декабрьдән 8 декабрьгә кадәр Пермь төбәгендә татарлар яши торган урыннарга – Барда, Октябрь, Кунгыр һәм Пермь районнарына бару планлаштырыла.