«МИР» КИНОТЕАТРЫНДА «МӘХӘББӘТ FM» СПЕКТАКЛЕН КҮРСӘТӘЧӘКЛӘР

5 ноябрьдән башлап 10 декабрьгә кадәр Казанның «Мир» кинотеатрында «Татаркино» мәдәният учреждениесенең Галиәсгар Камал исемендәге Татар дәүләт Академия театры белән берлектә тормышка ашырылучы «Кино+Театр» проекты чаралары уза.

Чираттагы спектакль 12 ноябрь көнне тәкъдим ителәчәк. Кинотеатрда режиссер Илгиз Зәйниевның «Мәхәббәт FM» комедиясенең видеоязмасы күрсәтеләчәк. Спектакльнең премьерасы 2013 елның 5 октябрендә булган иде. Ул бүгенге көнгә кадәр театр репертуарында.

Шул ук көнне «Мәхәббәт FM»да төп рольләрнең берсен – Фирзәтне уйнаган актер – Татарстанның атказанган артисты Ирек Кашапов белән очрашу узачак.
Спектакльнең видеоверсиясе рус субтитрлары белән татар телендә күрсәтелә.