МӘКТӘП УКУЧЫЛАРЫ ҮЗ РӘСЕМНӘРЕННӘН КҮРГӘЗМӘ ТӘКЪДИМ ИТӘ

11 сентябрьдән 15:00 сәгатьтә Тукай әдәби музеенда «Гаилә» күргәзмәсе ачыла, анда Казанның 7 балалар сәнгать мәктәбе укучыларының эшләре тәкъдим ителә.

Күргәзмә – сәнгать мәктәбе һәм музейның уртак проекты – Гаилә елына багышланган. Биредә 14 яшьтән 16 яшькә кадәрге яшүсмерләр иҗат иткән 40 рәсем эше тәкъдим ителәчәк. Эшләр гуашь һәм төсле карандашлар белән башкарылган. Килүчеләр гаилә портрет композицияләрен күрәчәк, гаилә бәйрәмнәре һәм традицияләре атмосферасына чумачак: чәй эчү, бөтен гаилә белән кинотеатрга бару, табигатьтә ял итү, туй, бала туу, дәресләргә бергәләп әзерләнү, кичке әкиятләр һәм башка бәхетле гаилә тарихлары.

Күргәзмәне музейга билет һәм Пушкин картасы буенча 9 октябрьгә кадәр карап булачак.