КЫРЫМДА «ТАВРИДА. АРТ»ТА ЗАМАНЧА БАШКАРУЧЫЛАР ҖЫЕЛАЧАК

26-28 июль көннәрендә Кырымда «Таврида. АРТ» яшь күпмилләтле сәнгать фестивале уза. Анда Россиянең төрле почмакларыннан килүче заманча яшь башкаручылар катнаша. Нәкъ шушы көннәрдә фестивальдә Татарстан яшүсмерләре һәм яшьләре кумиры – җырчы Дышать (Гөлназ Шакирова) та чыгыш ясый! 

Быелгы фестивальнең темасы – төбәкләрдә яшәүче халыкларның мәдәни күптөрлелеге. Аларның колоритлы традицияләре һәм бай мирасы яңа, заманча укуда булачак.

Программага Дышать чыгышыннан тыш башкорт музыканты Marat Taturas, якут башкаручысы Олена УТАй, ОЙМЕ этно-төркеме һәм TUARI коллективы, Vetkafolk һәм ХВОЯ музыкаль төркемнәре, Урал тауларыннан этно-шоу ZAINETDIN, Тула коллективы Полынь Folk, хомус һәм Арбе Гоа, рус электромузыкасы һәм PEVCHAYA поп-музыкасы, Башкортостан Республикасыннан AHINA этник коллективы, шулай ук башкаручы SHI һәм рус индустриаль музыкасы да кергән.