«КЕЧТҮК» ТЕАТРАЛЬ ОСТАХАНӘЛӘР КӨЗГЕ КАНИКУЛЛАРГА КӨТЕП КАЛА

Көзге каникулларны кызыклы һәм файдалы үткәрәсең киләме?! Алайса «КЕЧТҮК» дип аталган балалар өчен театраль остаханәләргә рәхим ит. Программада көн саен кызыклы чаралар һәм уеннар каралган. Сиңа һәм синең дусларыңа «КЕЧТҮК»кә килү өчен 6 сәбәп:

1. Актерлык осталыгын өйрәнеп, чын сәхнә йолдызы була алачаксың.

2. Грим ясауда үз көчеңне сынап караячаксың.

3.Г.Камал театры артистлары белән танышып, аларга кызыксындырган сорауларыңны бирү мөмкинлеге булачак.

4. Сәхнә сәнгате белән танышачаксың.

5. Драматургия осталыгын үстереп, сөйләм осталыгын да шомарту мөмкинлегең булачак.

6. 100% уңай эмоцияләр туплаячаксың.

Остаханәләр татар телендә уздырыла. «Шәрык клубы»  барлык катнашырга теләүче балаларны да 30 октябрьдән 3 ноябрьгә кадәр 10:00-15:00 сәгатьтә театраль остаханәләргә көтеп кала. Сүз уңаеннан, биредә ашату да каралган.