Казанда «URAM» фестивале узачак

«URAM» дип исемләнгән әлеге проект урам мәдәният үстерүгә багышланган. 20 октябрь көнне  элеккеге мебель заводында (Казан, Тукай ур, 115/6) берничә тематик зона тәкъдим ителәчәк: урам биюләре, экстремаль спорт төрләре һәм стрит-арт. Фестиваль 12.00 сәгатьтә башлана, керү ирекле.

Программа:
* URAM DANCE: брейкинг, хип-хоп һәм all styles стильләрендә бии торган Казан студияләре һәм биючеләренең джем-баттлы.
* URAM MUSIC: төрле музыкаль юнәлеш вәкилләре чыгышы («The Road» рок мәктәбе, BNFтан сэт, Dj Market Tv проектыннан мастер-класс).
* URAM EXTREME: Казан рейдерлары катнашында BMX, скейтборд-контест һәм кикаут.
* URAM ART: Казан һәм Татарстан рәссамнары катнашында граффити фестивале. Һәр райтер танылган рәссамнарның берәр эшен кабатлаячак.
* Катнашучылар һәм чара кунаклары арасында скетч-баттл.
* «Real: Treasure Island DIY» фильмы премьерасы.

URAM (URban Art Movement) – урам мәдәниятен һәм заманча сәнгатьне үстерүгә юнәлтелгән ел буе дәвам итә торган проект.

Тагын да тулырак мәгълүмат белән әлеге сылтама аша узып танышырга мөмкин: https://vk.com/uramrt