КАЗАНДА «КЫШДАКАР-ФЕСТ» УЗА

«Кышдакар-фест» Киров исемендәге бакчада һәм Бауман урамында 29 декабрьдән 8 гыйнварга кадәр барачак. Фестивальдә кибетләрдә Яңа ел бүләкләре һәм кулдан эшләнгән сувенирлар сатылачак. Кунакларны иң яхшы фермер продукциясе, хуш исле чәйләр, татар ашлары, остаханәләр, төрле бәйгеләр һәм бүләкләр көтә.

Бауман урамындагы 20/5 номерлы йорт янында фестиваль көн дә 10:00дән 21:00гә кадәр узачак дип планлаштырыла. Киров бакчасында сәүдә рәтләре 29-30 декабрьдә, 1-8 гыйнварда 10:00дән 22:00гә кадәр эшләячәк. Яңа ел бәйрәме көнендә ул 10:00 сәгатьтә ачылып, 1 гыйнварда 3:00 сәгатькә кадәр дәвам итәчәк.