КАЗАНДА 1 ГЫЙНВАРДА КАЯ БАРЫРГА?

Яңа елның беренче көнендә башкалабызда бәйрәм чаралары күп узачак – өйдә моңсуланып ятарга туры килмәс.

Әйтик, Черек күл паркында 12.00 дән 22.00 га кадәр Яңа ел фильмнары күрсәтеләчәк. Шулай ук биредә 5 гыйнварга кадәр керлинг буенча турнир һәм остаханә үтәчәк. 

16:00 сәгатьтә Бауман урамында «Морэс» урам театрынан гаҗәеп тамаша тәкъдим ителәчәк.

Кремль янында да Казан халкы һәм кунаклары өчен 11.00, 14.00, 17.00 сәгатьләрдә тылсымлы бәйрәм чаралары оештырылачак. 

«Казан» гаилә үзәгендә, төп чыршы янында 7 гыйнварга кадәр спектакль, интерактив программа, концертлар узачак. 

Шунысын да әйтеп узарга кирәк: быел бәйрәм төнендә Казанда салют аттырмаячаклар.