КАЗАН ЛИЦЕИСТЫ ИЛДАР ГАЙНУЛЛИН – ХАЛЫКАРА ОЛИМПИАДА ҖИҢҮЧЕСЕ

Румыниянең Бухарест шәһәрендә Romanian Master of Informatics информатика буенча VII Халыкара олимпиада тәмамланды. Россия укучылары анда 13 медаль яулады. Безнең ил данын Мәскәү, Санкт-Петербург, Казан һәм Чиләбе укучылары яклады.

Казан командасы  турнир җыелмаларының иң яхшы унлыгына эләкте. Татарстан республикасы командасы исәбендә бер алтын һәм бер көмеш медаль бар. Алтын медаль иясе – Н.И. Лобачевский исемендәге лицей укучысы Илдар Гайнуллин. Шушы ук лицейның укучысы Азат Исмәгыйлев бронза медальгә лаек булды. Бу укучыларны тренерлары Сергей Михалин белән Константин Скобельцын әзерләгән. Җитмәсә, Илдар Гайнуллин – информатика буенча Бөтенроссия олимпиадасының абсолют җиңүчесе һәм IOI-2019 информатика буенча халыкара олимпиаданың алтын медаль иясе.

Romanian Master of Informatics ярышлары 9-12 октябрь аралыгында узган. Анда дөньяның 11 иленнән килгән командалар катнашкан.

Команда исәбендә инде икенче ел рәттән мәскәүлеләргә тиңнәр булмаган: башкала укучылары 3 алтын һәм 1 көмеш медаль яулаган. Икенче урынны Санкт-Петербург командасы алган: укучылар 1 алтын, 2 көмеш һәм 1 бронза медаль алуга ирешкән. Шушы команда әгъзасы Андрей Ефремов максималь баллар алган һәм ярышларның абсолют җиңүчесе, дип табылган.