КАЗАН ЯШҮСМЕРЛӘРЕ ӨЧЕН ҖӘЙГЕ ПРАКТИКУМ УЗАЧАК

Казанда 15-26 июльдә җәйге музей практикумы уза. Анда тарих, аны өйрәнү һәм саклау ысуллары белән кызыксынган 12 яшьтән өлкәнрәк яшүсмерләр катнашырга мөмкин.

Шушы көннәр дәвамында яшүсмерләр шәһәр музейларында һәм паркларында булып, ТР Милли музее фондлары һәм Галиәсгар Камал театрының сәхнә арты белән танышачак. Шулай ук катнашучылар өчен сценограф һәм журналист белән очрашулар, актерлык һәм ораторлык осталыгы буенча остаханәләр дә оештырылачак әле. Программага шәхси тарихларга нигезләнгән уникаль музейлар булдыру да кертелгән.

Катнашу өчен бары тик ике минутлык видео яздырырга кирәк. Анда үзең, гаиләң һәм практикумнан көткәннәрең турында сөйләү мөһим. Файлны сылтама буенча җибәрергә мөмкин. Теркәлү 11 июльнең 18:00 сәгатькә кадәр дәвам итәчәк.

ТР Милли музееның матбугат хезмәте әйтүенчә, тулырак программа белән сайтта танышырга була.