КАҺВӘГӘ БӘЯЛӘР АРТАЧАК!?

Латин Америкасында һәм Азиядә каһвә уңышы белән бәйле проблемалар дөнья базарында инде чагылыш тапкан, тиздән Россиядә дә бәяләр арту көтелә. Бу хакта Милли технологик инициативаның FoodNet эшче төркеме экспертлары хәбәр итә.

«Базарда каһвә кыйммәтләнәчәк: дөнья бәяләре 10-15% ка, ә Россиядә – 30% ка артачак. Бәяләрнең артуы, минем фикеремчә, киләсе сезон уңышына кадәр дәвам итәчәк, ягъни 2023 елга кадәр», – дип әйтә эшче төркемнең әйдәп баручы эксперты Михаил Чарный.

Ул шулай ук, арабик сорт үстерелә торган югарыда күрсәтелгән төбәкләрнең корылык һәм агач авырулары белән очрашуын ассызыклый.

«Каһвәнең кыйммәтләнүе альтернатив һәм арзанрак вариантларга ихтыяҗ артуына да китерәчәк. Мисал өчен, цикорий, кишер “каһвасе” һ.б», - дип өстәде белгеч.