КАР АТЫШУ БУЕНЧА ТУРНИР, ИТЕК КИЕП ФУТБОЛ УЙНАУ ҺӘМ БАШКАЛАР: КАЗАНДА КЫШКЫ ГАИЛӘ КҮҢЕЛ АЧУ ФЕСТИВАЛЕ ҮТӘЧӘК

20 гыйнварда Казанның Горький паркында кышкы гаилә күңел ачу фестивале уза. Биредә бөтен теләүчеләр дә кар атышу буенча турнирда катнаша, итек киеп футбол уйный һәм зур каршылыклар полосасын үтә алачак.

Кар атышу уеннарында барлыгы бишәр кешедән торган алты команда катнашачак. Уенда катнашу өчен теркәлү узарга кирәк.

Ә итек киеп уйный торган футбол «Рубин» ФК белән берлектә оештырылачак. Биредә өчәр уенчыдан торган командалар көрәшер дип көтелә. Теркәлү кирәкми.
Тагын бер традицион кышкы күңел ачу – каршылыклар полосасы. Уеннарда катнашучылар төрле биремнәрне үтәргә тиеш. Ярышларга теркәлү узарга кирәкми, дип хәбәр итә Казанның парклар һәм скверлар дирекциясе.