Күрми калма: Гарри Поттер турында 4 яңа китап

Джоан Роулингның “Pottermore Publishing” нәшрияты Гарри Поттер дөньясы турында тагын 4 яңа китап әзерли. “The Guardian” басмасы хәбәр итүенчә, алар барысы да документаль проза жанрында булачак. Июньдә e-book форматында чыгачаклар.

Һәр китап Хогвартс магиясенең аерым дисциплиналарына – кара көчләр, әфсен әйтү,  төнәтмә ясау, астрономия, магик җанварларны карауга багышланачак. Әлеге серияне булдыруга “Гарри Поттер: магия тарихы” аудиогидының популяр булуы этәргән. Аны Британия китапханәләрендәге шундый ук исемдәге күргәзмәдә кулланалар.