ИT-ДИКТАНТ-2022 – МӘГЪЛҮМАТИ ТЕХНОЛОГИЯЛӘР ӨЛКӘСЕНДӘГЕ БЕЛЕМНЕ ТИКШЕРҮ ӨЧЕН ИҢ ЯХШЫ МӨМКИНЛЕК

13 сентябрьдә Бөтенроссия «ИT-диктант» акциясе узачак. «IT-диктант» – мәгълүмати технологияләр өлкәсендәге белемне тикшерү, шулай ук санлы грамоталылыкны арттыру өчен иң яхшы мөмкинлек. Диктант биремнәре 13 сентябрьдә Мәскәү вакыты белән 00.00 сәгатьтә ачылачак.  

Әлеге акция программист көненә багышланган, һәм ул инде бишенче тапкыр уздырыла. Диктант онлайн-форматта үтә, шуңа күрә катнашырга теләүчеләр алдан https://leader-id.ru/  биредә теркәлергә тиеш. ИT-диктантта катнашучыга төрле дәрәҗәдәге биремнәр тәкъдим ителәчәк, үз көчеңне 5 тапкыр сынап карарга мөмкин. Ә инде нәтиҗә белән диктант узгач ук, шәхси кабинетта танышып булачак. Барлык катнашучыларга да сертификатлар тапшырачаклар.