ИЛГИЗ ШӘЙХРАЗИЕВ НЬЮ-ЙОРК ТРИЛОГИЯСЕНЕҢ СОҢГЫ ҖЫРЫН ТӘКЪДИМ ИТТЕ

14 февраль – Гашыйклар көне артта калды, әмма Илгиз Шәйхразиевнең музыкаль-трилогиясендә сөю, мәхәббәт ноталары тынмый...

Илгизнең яңа синглы – Нью-Йорк трилогиясенең өченче һәм соңгы өлеше. «Сөю» җыры концертларында күптән яңгыраса да, аның релизын җырчы нәкъ менә Гашыйклар көне белән бәйләргә булган. Клип тулысы белән Манхэттенда төшерелгән, ә менә сингл тышлыгындагы фото – популяр сериал героинясы Кэрри Брэдшоу яшәгән йорт янында ясалган.