Җиңел сулап куя аласың: БДИдан «2»ле алучылар кимегән!

БДИ тапшыручылар, сөенә аласыз! Быел бу имтиханны тапшыра алмаганнарның саны азайган. Моның турында «Интерфакс» агентлыгы хәбәр итә. Хәзер сабыр итеп төгәл нәтиҗәләрне генә көтәсе калды.

Чыгарылыш сыйныфлар җәмгыять белеме буенча БДИны – 5 июньдә, физика һәм әдәбият буенча сынауны 7 июньдә тапшырды. Әлеге БДИларның якынча нәтиҗәләре инде билгеле.

Сергей Кравцов, Рособрнадзор башлыгы:

– Жәмгыять белеме, физика һәм әдәбияттан уртача баллар 2016 елгыдан азрак түгел. Бу имтиханның тотрыклылыгы турында сөйли. Иң мөһиме шул: минималь чикне үтә алмаганнар саны да кимегән.



Рособрнадзор тарих буенча БДИны кертүгә әзер икән. Ләкин әлегә төгәл карар кабул ителмәгән.