Хәзерге яшьләрне матди кыйммәтләр генә кызыксындыра?

Россиялеләрнең 80 проценттан артыгы бүгенге яшьләрне беренче чиратта матди кыйммәтләр кызыксындыра дип саный. Әлеге төр сораштыруны Яшьләр көне уңаеннан Россиякүләм иҗтимагый фикерне өйрәнү үзәге уздырган.

Бу тикшеренүдә төрле яшьтәге кешеләр катнашкан. Һәм алар бүгенге яшьләрне менә шушылай билгели: алар күпкә аралашучанрак (сораштырылучыларның 67%ы шулай дип саный), спортка мәхәббәтләре көчлерәк (60%) һәм беренче урынга матди кыйммәтләрне куялар (82%).

Сораштырылучыларның 50% ка якыны яшьләрне актив, ачык, эшчән  һәм дустанә дип белдерә. Шунысы кызык, 60 яшьтән өлкәнрәк булган сораштырылучылар яшьләрне , киресенчә, пассив ди.