«ГРИЛЬ-МОРОЖКА»: ҖӘЙНЕҢ ИҢ ТӘМЛЕ ФЕСТИВАЛЕ СИНЕ ГОРЬКИЙ ПАРКЫНДА КӨТӘ

8-9 июльдә Казанның Горький паркының яшел кырында 12:00 дән 21:00 гә кадәр «Гриль-Морожка» фестивале узачак. Бәйрәм программасына гадәти булмаган десертлардан алып хуш исле стейкларга кадәр тәм-томнар, шулай ук күңел ачу чаралары кергән.

Фестиваль кунакларын музыкаль сәхнәдә артистлар чыгышлары һәм диджей-сетлар, фотозона, интерактив һәм балалар мәйданчыклары, остаханәләр көтә. Пикникны ял итү зонасында оештырырга мөмкин булачак, дип хәбәр итә Казанның парклар һәм скверлар дирекциясе.