“Эссеее-ее-ее”: кайчанга кадәр дәвам итәчәк?

“Уф, эссе...” Соңгы көнәрдә һәр очраган кешедән шушы сүзләрне ишетерегә туры килә. Әлеге эсселек әле озак дәвам итәчәкме?

Шушы көннәрдә Татарстанда бик эссе һава торышы хакимлек итә. 11 май көнне хәтта рекорд куелды. ТРның гидрометеорология үзәге әйтүенчә, Казан метеостанциясендә температура 30,7не күрсәткән. Соңгы тапкыр 11 майда мондый югары температура 1921 елда булган. Югары температуралы һава торышы 16 майга кадәр дәвам итәр, дип көтелә. Бу көннәрдә һава температурасы нормадан уртача 9 градуска югарырак булачак, ди синоптиклар. Пәнҗешәмбегә кадәр температура 27-33 градус тирәсе була, дип фаразлана.
Шул ук вакытта Россиянең ТР буенча гадәттән тыш хәлләр министрлыгы шторм булу ихтималы турында кисәтә.

Зилә САБИТОВА