«Э-моция» спектакленә кил!

«Э-моция» иҗади инклюзив студиясе премьерасын карасаааң... ни буласын үзең белерсең!

«Э-моция» иҗади инклюзив студиясе (аның турында тулырак «Ялкын» журналының декабрь санында укырсың) премьера тәкъдим итә. Ул француз язучысы Максанс Фермин әсәре буенча сәхнәләштерелгән «Снег» спектакле. Анда әсәрнең төп герое – Юко Акитойның тормыш юлын, киләчәк карьерасын сайлау темасы кузгатыла. Пластик-әдәби композиция Япония дөньясына алып кереп китә.

Спектакльдә мөмкинлекләре чикле һәм чиксез булган кешеләр катнаша. Әмма тамашачылар аларны сәхнәдән инвалид коляскаларына утырган яки култык таягына таянган килеш күрмәячәк. Иҗат – хыял киңлеге, анда мөмкин булмастай әйбер юк.



Нәрсә: «Э-моция» иҗади инклюзив студиясенең «Снег» спектакле

Кайда: «Юность» мәдәният йорты, Химиклар урамы, 11

Кайчан: 9 декабрь, 14.00

Керү: ирекле

Элемтә өчен телефон: 89655842782