Быел Татарстанда 33 торак йорт кулланылышка тапшырылган

2017 ел башыннан Татарстанда 33 торак йорт кулланылышка тапшырылган. Бу хакта Татарстанның Дәүләт торак фондының матбугат үзәге хәбәр итте.
Дәүләт торак фонды социаль ипотека һәм арендалы торак төзелешенең инвесторы булып тора. Быел Казан, Чаллы, Түбән Кама, Әлмәт, Чистай һәм Татарстанның башка районнарында 33 йорт ачкычы тапшырылган.

Социаль ипотека программасы Татарстанда 2005 елдан бирле гамәлдә. Программаны финанслаучы оешмаларга төзелгән торакның бер өлеше хезмәткәрләрне тораклы итү өчен бирелә.

//Шәһри Казан//