ӘБИЛӘР ЧУАГЫ КИЛӘ! КАЙЧАН?

Татарстанга әбиләр чуагы якынлаша. Кайчан булачак әлеге хәл?

Республиканың гидрометеорология үзәге бер атналык һава торышын элгән. Якын көннәрдә температура күтәрелә башлаячак, атна ахырына термометрлар +21 градуска кадәр күтәрелер, дигән фараз бар.

Мисал өчен, бүген, 22 сентябрь көнне яңгыр, 18 метр секунд тизлектәге җил көтелә. Төнлә температура +4..+9 градуска кадәр төшәргә мөмкин, ә көндез +12 дән +17градуска кадәр җылы булачак.

23 сентябрьдә төнлә яңгыр көтелә, көндез явым-төшемнәр булмаячак. Аның каравы, җилнең тизлеге секундына 20 метрга җитәргә мөмкин. Төнлә +6..+11 градус, көндез +13..+18 градус җылы булачак, дип фаразлана.

24е көнне явым-төшемнәр көтелми, төнлә һәм иртән кайбер районнарда томан булырга мөмкин. Төнлә температура +3..+8 градус булса, көндез +15..+20 градуска кадәр җитә ала.

Сүз уңаеннан, аз болытлы, коры һава торышы киләсе атна ахырына кадәр дәвам итәчәк. Алдагы атнада температура +3..+8 градус, көндез махсималь температура +16..+21 градуска кадәр җитәргә мөмкин.